U samym pačatku lažyć JavaScript. Kali tvoj braŭzer jaho nie padtrymlivaje (hladzi nižej infu pra tych, jakija padtrymlivajuć), ci jon naŭmysna adklučany abo vyrazajecca fajervołam, to ničoha nie atrymajecca zusim. Inačaj — vidać, usio.

Isnujuć dźvie raskładki naboru: łacinkavaja i kiryličnaja. Kali ty ciśnieš knopku, skrypt hladzić, što za jana i ŭ adpaviednaści z aktyŭnaj raskładkaj maluje litaru.

U jakaści łacinkvaj raskładki była skarystanaja raskładka Belarusian (Latin) Programmers. Z-za niemahčymaści techničnaj realizacyi apracoŭki kambinacyjaŭ z klavišami AltGr i Ctrl, byŭ realizavany varyjant ź miortvymi klavišami ŭ vierchnim levym kucie kłavy: «`» i «~».

Pracujuć jany nastupnym čynam. Pry nacisku na klavišu ničoha nie malujecca i ŭvohule, ničoha nie adbyvajecca. Ale kali paśla hetaha naciskajecca nastupnaja klaviša, prahladajucca mahčymyja kambinacyi, i kali para znachodzicca, malujecca litara ci symbal, atajasalenyja z hetaj paraj. Kali nia znojdzienaja — malujecca «`» abo «~» (u zaležnaści ad taho, naciskałasia klaviša z Shift'om ci biez) i druhaja nacisnutaja klaviša. Paśla ŭsio paŭtarajecca nanoŭ.

Prykład. Kab atrymać «Ś» treba:

1. Nacisnuć i adpuścić klavišu «`»;
2. Paśla nacisnuć Shift i, nie adpuskajučy, nacisnuć klavišu «S».

Jašče prykład. Kab atrymać «š» treba:

1. Nacisnuć Shift i, nie adpuskajučy, nacisnuć klavišu «`» (kab atrymać «~»);
2. Adpuścić usio i nacisnuć klavišu «s».

I jašče . Kab atrymać «ж» treba:

1. Pieraklučycca na virtualnuju kiryličnuju raskładku (klavišaj Esc abo knopkaj pad polem uvodu tekstu);
2. Nacisnuć Shift i, nie adpuskajučy, nacisnuć klavišu «`» (kab atrymać «~»);
3. Adpuścić usio i nacisnuć klavišu «z».

Kab atrymać tolki adzin symbal «`» ci «~», treba nacisnuć spačatku hetuju klavišu, a paśla prahał.

Kambinacyi symbalaŭ nie źmianilisia i pryviedzienyja ŭ kaloncy pra łacinku. Dadałosia jašče krychu novych.

U va ŭsim astatnim, aproč kambinacyjaŭ ź miortvymi klavišami, heta zvyčajnaja angielskaja raskładka.

Darečy. Padčas napisańnia tekstu ŭ ciabie moža być raptam uklučanaja inšaja raskaładka. Tady ŭsie symbali, jakich niama ŭ angielskaj, pieradajucca jak jość. Skrypt vykusvaje tolki kambinacyi z angielskimi litarami. Nacyjanalnyja abecedy mohuć nia parycca.